ભરૂચમાં 29 દિવસમાં જ 110% વરસાદ, ગત વર્ષે અંકલેશ્વરમાં સૌથી વધુ 256.26% વરસાદ નોંધાયેલો
19 ઓગસ્ટે જ જિલ્લાનો સરેરાશ વરસાદ પૂરો
જિલ્લામાં સૌથી વધુ નેત્રંગમાં 185.32% અને સૌથી ઓછો ઝઘડિયામાં 61.01% વરસાદ, 4 તાલુકામાં 100%થી વધુ વરસાદ
ભરૂચ 81.20 ટકા, જંબુસર 84.20 ટકા અને હાંસોટ 99.08 ટકા વરસાદ : વર્ષ 2018 માં 3 તાલુકા અને 2019માં 8 તાલુકામાં 100 ટકા વરસાદ નોંધાયો
ભરૂચ: ભરૂચ જિલ્લામાં મેઘરાજા સતત ત્રીજા વર્ષે મહેરબાન થતા 100 ટકા કરતા વધુ વરસાદ નોંધાયો છે.ચાલુ વર્ષે 19 ઓગસ્ટે જ જિલ્લામાં 100.70 % વરસાદ થઇ ગયો હતો. જિલ્લાના 9 તાલુકા પૈકી 4 તાલુકામાં અત્યાર સુધી 100 % વરસાદ નોંધાયો છે. જિલ્લામાં સૌથી 152.32 % વરસાદ નેત્રંગ તાલુકો તેમજ સૌથી ઓછો વરસાદ 64.01 % ઝઘડિયા તાલુકામાં નોંધાયો છે. ભરૂચ જિલ્લામાં 2018 - 102.88 %, 2019 -184.22 %, 2020ની 23 ઓગસ્ટ સુધી 110.03 % વરસાદ નોંધાયો છે. ભરૂચ જિલ્લામાં છેલ્લા 3 વર્ષથી ચોમાસુ ભરપૂર રહેવાની સાથે 29 દિવસમાં જ 110 ટકા વરસાદ નોંધાયો છે.
વર્ષ 2018માં જ્યાં ભરૂચ જિલ્લામાં 713 મીમી સામે 734 મીમી સાથે 102.88 % વરસાદ નોંધાયો હતો. 2019માં સરેરાશ 705 મીમી વરસાદ સામે 1300 મીમી સાથે જિલ્લામાં 184.22 % વરસાદ નોંધાયો હતો. ચાલુ વર્ષે 725 મીમી સરેરાશ સામે 23 ઓગસ્ટ સુધીમાં જ 744 મીમી સાથે 110.03% વરસાદ નોંધ્યો છે. 2018 માં માત્ર 3 તાલુકામાં 100 % વરસાદ નોંધાયો હતો. 2019 માં 8 તાલુકામાં 100 % કરતા વધુ વરસાદ નોંધાયો હતો. જે પૈકી 4 તાલુકામાં તો 200 % કરતા વધુ અને સૌથી વધુ અંકલેશ્વરમાં 265.26 % સાથે રાજ્યના બીજા નંબરે વરસાદ નોંધાયો હતો. અંકલેશ્વરમાં છેલ્લા 3 વર્ષ થી 100 % કરતા વધુ વરસાદ નોંધાઇ રહ્યો છે. છેલ્લા 3 વર્ષ ની 23 ઓગસ્ટ સુધીની ટકાવારીમાં પણ ચાલુ વર્ષે સીઝનનો સૌથી સારો વરસાદ પડ્યો છે.
B B K NEWS
OWNER /EDITOR
મનીષ કંસારા
#manishkansara
Manish Kansara
6352918965
⚜️⚜️⚜️⚜️⚜️⚜️⚜️⚜️⚜️⚜️⚜️⚜️
Comments
Post a Comment