કોરોના વર્લ્ડ LIVE / 63.21 લાખ કેસ:CDCના ભૂતપુર્વ ડિરેક્ટરે કહ્યું-USમાં આગામી મહિને 20 હજાર લોકોના મોત થઈ શકે છે, સ્પેનમાં માર્ચ મહિના બાદ છેલ્લા 24 કલાકમાં એક પણ મોત ન થયુ

ન્યૂયોર્કમાં એક સલૂન પાસેથી પસાર થઈ રહેલો યુવાન, કોરોના સંક્રમણથી બચવા તેણે માસ્ક પહેર્યું છે

ન્યૂયોર્ક: વિશ્વભરમાં કોરોના વાઈરસના અત્યાર સુધીમાં 63.21 લાખ કેસ નોંધાયા છે. જેમાં 3.75લાખ લોકોએ જીવ ગુમાવ્યા છે. 28.81 લાખ લોકોને સારવાર પછી રજા અપાઈ છે.સ્પેનમાં માર્ચ મહિના બાદ સૌ પ્રથમ વખત છેલ્લા 24 કલાકમાં કોરોનાને લીધે એક પણ મોત થયું નથી.સેન્ટર ફોર ડિસિસ કન્ટ્રોલ એન્ડ પ્રિવેન્શન (CDC)ના ભૂતપુર્વ ડિરેક્ટર ટોમ ફ્રીડને આગામી એક મહિનામાં અમેરિકામાં સંક્રમણને લીધે 20 હજારથી વધારે મોત થવાની શક્યતા દર્શાવી eછે. તેઓ ભૂતપુર્વ રાષ્ટ્રપતિ બરાક ઓબામાના કાર્યકાળમાં CDCના ડિરેક્ટર હતા. જોન હોપકિંસ યુનિવર્સિટીના મહામારી બાબતના નિષ્ણાત જેનિફર નૂજોએ એક્સિયોસ હેલ્થ જણાવ્યું કે લોકો એવી ખોટી ધારણા ધરાવે છે કે આપણે હવે કોરોનાના જોખમથી મુક્ત થયા છીએ.

Advertisements 

મલેશિયામાં છેલ્લા 10 દિવસથી કોરોના વાઈરસથી એક પણ મોત નહીં

મલેશિયામાં છેલ્લા 10 દિવસથી કોરોના વાઈરસથી એકપણ મોત થયું નથી. એક દિવસમાં 38 નવા કેસ નોંધાયા છે. મલેશિયામાં કુલ 7857 કેસ નોંધાયા છે અને 115 લોકોએ જીવ ગુમાવ્યા છે. બ્રાઝીલમાં અમેરિકા એક હજાર વેન્ટિલેટર મોકલશે.કતારમાં 24 કલાકમાં 1648 કેસ નોંધાયા છે. દક્ષિણ કોરિયામાં કોરોનાના 35નવા કેસ નોંધાયાછે. સરકાર બે વાર સ્કૂલો બંધ કરી ચૂકી છે.

બાંગ્લાદેશે લોકડાઉન હટાવ્યું
સંક્રમણ ઝડપથી વધી રહ્યું છે અને ડોક્ટરોની ચેતવણી છતા બાંગ્લાદેશ સરકારે લોકડાઉનમાં છૂટ આપી છે. અહીં સંક્રમણનું જોખમ શહેરોમાં વધારે છે. સ્વાસ્થ્ય મંત્રાલયે કહ્યું કે અમે લોકડાઉન હટાવી રહ્યા છીએ. રવિવારે અહીં 2545 કેસ નોંધાયા હતા અને 40 લોકોના મોત થયા છે. બાંગ્લાદેશમાં કુલ 47 હજાર 153 કેસ નોંધાયા છે અને 650 લોકોના જીવ ગયા છે.

બ્રાઝીલમાં મહામારી વચ્ચે પોલીસે રવિવારે સ્લમ વિસ્તારમાં ડ્રગ માફિયા સામે કાર્યવાહી કરી હતી. સ્થાનિક લોકોએ તેનો વિરોધ કર્યો હતો. તેઓનો આરોપ છે કે સરકાર સુવિધા આપવાના બદલે લોકોને અહીંથી હટાવવા માંગે છે.

અમેરિકા બ્રાઝીલને મદદ કરશે
અમેરિકા અને બ્રાઝીલે એક સંયુક્ત નિવેદન બહાર પાડ્યું હતું. જેમાં કહેવાયું કે અમેરિકા ટૂંક સમયમાં બ્રાઝીલમાં એક હજાર વેન્ટિલેટરઅને હાઈડ્રોક્સીક્લોરોક્વીનની 20 લાખ ટેબલેટ મોકલશે. નિવેદનમાં કહેવાયું હતું કે બ્રાઝીલમાં સામાન્ય લોકો જ નહીં પરંતુ ડોક્ટર, નર્સ અને પેરામેડીકલ સ્ટાફ પણ જોખમનો સામનો કરી રહ્યા છે.બ્રાઝીલમાં 5 લાખ 15 હજાર કેસ નોંધાયા છે, જેમાં 29 હજાર 341 લોકોના મોત થયા છે.

અમેરિકામાં 6 લાખને સારવાર પછી રજા અપાઈ
અમેરિકામાં અત્યાર સુધીમાં 18.37 લાખ કેસ નોંધાયા છે. જેમાં 1 લાખ 6 હજાર 195 લોકોના મોત થયા છે. છ લાખ લોકોને સારવાર પછી રજા અપાઈ છે.
જાપાનમાં 33 નવા કેસ નોંધાયા
જાપાનમાં 24 કલાકમાં 33 નવા કેસ નોંધાયા છે. એક સંક્રમિતનું મોત થયું છે. દેશમાં કુલ 17 હજાર 597 કેસ નોંધાયા છે અને 905 લોકોના મોત થયા છે. દેશમાં સ્કૂલ અને ધંધા આવી રહ્યા છે.

સંક્રમણની દ્રષ્ટિએ ભારત,  7માં નંબરે
સંક્રમણની દ્રષ્ટિએ જર્મની અને ફ્રાન્સને પાછળ છોડીને ભારત સાતમાં નંબરે આવી ગયું છે. ભારતમાં અત્યાર સુધીમાં 1.90 લાખથી વધારે કેસ નોંધાયા છે. ફ્રાન્સમાં 1.89 લાખ કેસ અને જર્મનીમાં 1.83 લાખ કેસ નોંધાયા છે.

કતારમાં સંક્રમણ ઝડપથી વધી રહ્યું છે
કતારમાં 24 કલાકમાં 1648 કેસ નોંધાયા છે. અહીં ઝડપથી સંક્રમણ વધી રહ્યુ છે. અહીં 56 હજાર 910 લોકો સંક્રમિત છે.38 લોકોના મોત થયા છે. અહીં 22 લાખથી વધારે ટેસ્ટ થયા છે.

શાંઘાઈમાં મિલિટ્રી થીમ પાર્કમાં રવિવારે લોકો ઉમટી પડ્યા હતા. રવિવારે ચીનમં 16 કેસ નોધાયા હતા.

અપડેટ્સ

• Ⓜ️ચીનમાં કોરોના વાઈરસના 16 નવા કેસ નોંધાયા છે.
• Ⓜ️ઈઝરાયલમાં 59 નવા કેસ સાથે 17 હજાર 71 કેસ 

કયા દેશમાં આજે કોરોનાની શું સ્થિતિ છે તે જોઈએ

દેશ	કેસ	મોત
અમેરિકા	18,37,170	106,195
બ્રાઝીલ	514,992	4,693
રશિયા	405,843	4,693
સ્પેન	286,509	27,127
બ્રીટન	274,762	38,489
ઈટાલી	232,997	33,415
ભારત	190,609	5,408
ફ્રાન્સ	188,882	28,802
જર્મની	183,494	8,605
પેરુ	164,476	4,506
તુર્કી	163,942	4,540
ઈરાન	151,466	7,797
ચીલી	99,688	1,054
કેનેડા	90,947	7,295
મેક્સિકો	90,664	9,930
સાઉદી અરબીયા	85,261	503
ચીન	83,017	4,634
પાકિસ્તાન	69,496	1,483
બેલ્જિયમ	58,381	9,467
કતાર	56,910	38
બાંગ્લાદેશ	47,153	650
નેધરલેન્ડ	46,442	5,956
બેલારુસ	42,556	235
સ્વીડન	37,542	4,395

 B B K NEWS

#manishkansara

OWNER

Manish Kansara

6352918965

⚜️⚜️⚜️⚜️⚜️⚜️⚜️⚜️⚜️⚜️⚜️